ಪ್ರೇಮಿಗಳ ದಿನ

ಪ್ರೀತಿಸಲು ಬೇಕೆ ವರುಷದಲ್ಲೊಂದು ದಿನ
ನಾವೂ ಆಚರಿಸಬೇಕೆ ಪ್ರೇಮಿಗಳ ದಿನ
ಹೃದಯದಲ್ಲಿ ಪ್ರೀತಿ ಮೂಡಿದಾಗ .......
ಮನ ಗರಿಗೆದರಿ ಹರುಷದಿಂದ ಮಧುರ ಗಾನ ಹಾಡಿದಾಗ...
ಬೆಳದಿಂಗಳ ರಾತ್ರಿ ಪ್ರೇಯಸಿ ಸನಿಹದಲ್ಲಿದ್ದಾಗ...
ಮಾಘಿಯ ಚಳಿ ಕಚಗುಳಿ ಇಟ್ಟಾಗ ....
ಮುಂಗಾರು ಮಳೆ ಮೈ ತಣಿಸಿದಾಗ....
ಕೈ ಬಳೆ ಕಾಲ್ ಗೆಜ್ಜೆಯ ನಾದ ಝಂ ಎನಿಸಿದಾಗ....
ಹಸಿರು ಸೀರೆ ಮಲ್ಲಿಗೆ ಮುಡಿದು ಪ್ರಿಯತಮೆ ಎದುರು ನಿಂತಾಗ....
ಪ್ರೇಯಸಿಯ ಹೃದಯದ ಬಡಿತ ಕೇಳುವಷ್ಟು ಮೌನವಿದ್ದಾಗ...
ರಸಿಕತೆ ತಾನಾಗೇ ಉಕ್ಕಿ ಬಂದಾಗ ....
ಎರಡು ಮನಗಳ ಬೆಸುಗೆಯಾದಾಗ .....
ಪ್ರಣಯ ಬಂಧನದಲಿ ಪ್ರೇಮಿಗಳು ಸಿಲುಕಿದಾಗ .....
ಅದೇ... ಅಂದೇ... ಆ ಪ್ರೇಮಿಯ ದಿನ.

ಜೇಬಲ್ಲಿ ದುಡ್ಡು ಇದ್ದಾಗ ಪ್ರೇಯಸಿಗೆ ಕೊಡು ನೀ ಕಾಣಿಕೆ
ಪ್ರೀತಿಸು ತಪ್ಪೇನಿಲ್ಲ , ಪ್ರೀತಿ ಮಾಡಲು ಒಂದೇ ದಿನ ಏತಕೆ ?